Бренд жөнүндө
Өзүңдөн башталган стиль
Биз эркек адам өзгөчө учурларда гана эмес, күн сайын татыктуу көрүнүшү керек деп ишенебиз.
Философия
Татаалдыксыз стиль. Күн сайын ишеним.
Биз MANO брендин эркектерге стильдүү кийинүүнү жеңилдетиш үчүн түздүк — узак издөөсүз, бир түрдүү образдарсыз жана ашыкча төлөөсүз.
Кийим өндүрүшүндөгү тажрыйбабыз эң негизгисин түшүнүүгө жардам берди: заманбап эркек гардероб стильди, комфортту жана акылга сыярлык бааны айкалыштырышы керек.
MANOдо сен ишке, жолугушууларга, таанышууларга жана күнүмдүк жашоого даяр образ түзө аласың — буюмдарды бири-бирине айкалыштырып, өзүң бойдон калып.
Биздин максатыбыз — эркектердин күнүмдүк стиль жөнүндөгү түшүнүгүн өзгөрткөн, дүйнөлүк деңгээлдеги кыргыз брендин түзүү.
MANO — тандоого аз убакыт. Өзүңө көбүрөөк ишеним.
Биз үчүн эмне маанилүү
Сапат
Калың кездемелер, кылдат тигүү жана убакыт сынаган фурнитура.
Минимализм
Ашыкчасы жок таза дизайн — модадан чыкпаган буюмдар.
Акылга сыярлык баа
Стильди биркадагы баа эмес, кийимдин жарашуусу жана айкалышы аныктайт.
Жергиликтүү
Дүйнөлүк деңгээлдеги кыргыз бренди — адамдарга жана деталдарга кам көрүп жасалган.
Биздин тарых
Башкалар үчүн өндүрүштөн — өз брендине чейин
MANOнун тарыхы биринчи дүкөн ачылганга чейин эле башталган.
Искендер Исмаилов жана Мамат Абдысатар — кийим өндүрүшүндө көп жыл иштеген өнөктөштөр. Алар өндүрүш процесстеринен масштабдуу өндүрүштү, фулфилментти жана 200дөн ашуун кишиден турган команданы башкарууга чейин жол басышкан.
Алардын өндүрүшү Wildberries жана КМШнын башка рынктары, негизинен Россия үчүн кийим жасаган. Жылдар бою алар тармакты ичинен үйрөнүштү: кийим кантип жасалат, процесстер кантип курулат, сапатка эмне таасир этет жана идеяны даяр продуктка кантип айландыруу керек.
Бирок убакыт өтүп, алардын ишинин багытын өзгөрткөн суроо пайда болду.
Эмнеге биз башка рынктар үчүн кийим өндүрө алабыз, бирок өз өлкөбүздө дагы деле өзүбүздүн күчтүү эркектер бренди жок?
Так ушундайча MANO идеясы жаралган — эркектердин күнүмдүк жашоосунун бир бөлүгү болуп, стилге заманбап европалык мамилени, сапатты, комфортту жана акылга сыярлык бааны айкалыштырган бренд.
Команда
Ар бир коллекциянын артында MANO командасы турат: ишин сүйгөн дизайнерлер, байерлер жана консультанттар. Биз чогуу кездемелерди тандайбыз, посадканы ойлоштуруп, ар бир сатып алуучуга иштеген гардероб курууга жардам беребиз.
